| 今晚超哥有唔少心水，其中西甲兩大「落水狗」華倫西亞、薩拉戈薩互撼，唔愁冇波入，宜取入球大。華倫西亞上仗鬥巴塞慘吞六蛋，呢次回師主場，一班球星為挽面子必全力進攻；而護級形勢仍然麻麻薩拉戈薩，亦唔會死守坐以待斃，大盤1.8倍分頭要得過。（有線足球台61周四凌晨2時直播） 華倫西亞上仗造訪魯營，被巴塞予取予攜，最後輸○比六，認真失禮。近期華倫後防漏洞多多，近四仗聯賽就失足十三球，呢個數字真係得人驚。被巴塞完全摧毀，你估華倫班球星唔知醜咩，今仗返到主場對護級競爭對手，一定落多兩錢肉緊，入多兩三粒向球迷交代。 薩拉戈薩實同你搶
薩拉戈薩上仗苦戰拉科，最後完場前入波贏一比○，球隊士氣大振，今晚雖然作客，但唔會打龜縮戰術。上仗迪亞高米列圖已經復出，雖然因傷被調離火線，但問題唔大，今仗應可再上陣搏殺，球隊又增加入波本錢。 | 
