| 放虎歸山，後患無窮！聽朝自由盃爆發十六強次回合，高士路將主場惡鬥小保加，首回合小保加雖能小勝，可惜作客唔多掂，到訪剛奪得州聯冠軍，士氣如虹高士路，唔似有運行，主隊讓平半上盤可以秤先！（開賽時間：周四早上6:10） 首回合小保加主場狂攻對手，可惜臨完場前被高士路偷雞成功，最後僅勝二比一，聽朝作客都咪話唔牙煙，事關小保加出名係作客蟲，分組賽作客未贏過，只得一和兩負。 小保加列基美紮住上
再講，佢先聯賽大戰完河床，練伊舒亞賽後表示將會以原班人馬再作客高士路，我就唔信班球員仲有十足體力，何況有消息指列基美今場仲要負傷上陣添！ 高士路州聯賽決賽奪標，士氣如虹，練艾迪臣賽後揚言有信心贏得自由盃，並年尾掃埋世界冠軍球會盃。咁又難怪艾迪臣咁有信心，事關高士路由外圍賽起主場錄得四戰全勝，再加上佢今仗可以夫添出擊，話唔埋可以大勝！ | 
