所謂時勢做英雄，艾米恩斯能夠以乙組仔身份殺入法國足總盃四強，唔多唔少都因為晉級過程中對手只係自乙丙組！今晚佢主場對住法甲巴黎聖日耳門，怕且都係見底之時，一於玩番少少聖日耳門W啦！（開賽時間：周三凌晨2:45）
聖日耳門盃賽醒神 其實睇番艾米恩斯由第一圈殺入四強賽程，佢對手甘岡、GFCO阿些斯奧、阿爾勒同迪安分別自法乙同法丙，對球隊講唔算太惡啃，變相令人覺得佢有把炮，但今晚對住高一班聖日耳門，隨時露出原形，呢點要小心。
再講，聖日耳門今季盃賽表現超班，計埋足總盃同聯賽盃在內九場波全勝，勝率百分百令人對佢有信心。加上佢八強曾經將另一支奇兵加確夫奧淘汰，今晚唔難再重演一次！
