| 開季前，西甲聯賽會將皇家馬德里對巴塞隆拿呢場星級「大」戰編尾三一輪進行，當然係希望為季尾製造爭標高潮啦！點知世事難料，今晚呢場波竟然變成例行公事，皇馬周日已經將個聯賽冠軍袋袋平安。另方面巴塞對亞軍亦唔多緊，既然雙方冇乜壓力，班射手又咁有級數，隨時變成表演賽，捧1.72倍「入球大」就最！（有線61及廣東體育周四凌晨4:00直播） 點解阿占會睇好「入球大」？最主要原因，梗係皇馬主場超勁攻擊力啦！遠唔講，「銀河艦隊」最近五仗主場狂入十一球，魯爾腳風夠順之餘，荷蘭神箭「雲佬」又講明今場會強勢復出，至於一眾後備兵沙維奧拿、洛賓亦輪流有進帳，咁星級攻擊組合，入球又點會少？
 皇馬後備勁巴塞亨利醒
講到超級後備，不得不提希古恩。呢位阿根廷射手連續三場聯賽以後備入替，都順利幫球隊埋齋，上仗出戰奧沙辛拿就係靠佢一球奠勝，幫捧場客開個「入球大」之餘，仲令到皇馬提早封王，絕對唔小。 咁得咁蹺，對家巴塞近五場作客聯賽勁失十三球，防線明顯有漏洞，今場仲有正選中堅米列圖右膝受傷抖半年，不過好在佢以攻擊力搭夠。講真，自從巴塞歐聯出局後，上周末返聯賽就即刻狂炒近況有多少回升華倫西亞六比零，美斯、亨利同保贊呢個新鐵三角火力夠晒勁，尤其係亨利重拾阿仙奴狀態，今仗同佢唔多夾伊度奧停賽，而中場輸血管耶耶托尼同後備殺手艾斯基路又有望復出，分分鐘仲有利佢發揮！ 近4巴拿貝交手3次開大
睇埋雙方最近四次巴拿貝交手紀錄，原來有三次總入球都係三球或以上，咁都係正常，西班牙打，就梗係鬥得燦爛啦！各位記得今晚早落定飛，坐電視機前等睇呢場星級「大」戰！ | 
