| 要數今季意甲最令人失望球隊，肯定非拉素莫屬！呢支上季聯賽季軍今季一沉不振，自三月底起更加未贏過波，今晚意大利盃四強次回合縱有地利，但撞正國際米蘭打戰失威一肚火，拉素想偷雞更加係難上加難，受讓平半一於撐國米！（now633台周四凌晨3:00直播） 首回合雙方互交白卷，拉素返到奧林匹高球場當然想贏波晉級，無奈呢支首都球會正值低潮，聯賽三連敗不特止，自三月底擊敗羅馬之後，至今已經連續八場波未贏過。
 拉素態沉練或劈炮
 上場聯賽臨尾香輸畀巴勒莫，賽後練迪里奧羅斯仲放聲氣話想季尾辭職，嚴重影響軍心。雖然話今仗有地利，但中場比哈美、後拉度、門將巴路達同埋次席射手洛基都仲養緊傷，根本都冇本錢同國米鍊！ 國米米蘭打不敵AC，冇得提早封王，但其實國米可唔可以冕只係遲早問題，呢刻理應全力爭入意大利盃決賽。事實上，國米近年對住拉素都佔上風，雙方近四年共十二次交手，國米錄得五勝七和未輸過，今仗即使有中場文尼捷停賽，國米受讓平半仍然相當超值。 再講，傳莫連奴執國米新聞不絕於耳，文仙尼明顯唔想放棄呢個江山，為增加留任籌碼，意大利盃絕對係不容有失，戰意、往績、狀態都勝一籌，唔捧國米點得？ | 
