| 博彩市場淡季來臨，係時候向二、三線聯賽埋手，自從碧咸去美職後，開始多人留意呢個聯賽，但其實佢本身制度未夠成熟，美國運動發展一流，但係運動博彩管理唔算太好，唔少籃球同棒球熱門都經常倒灶，依家足球發展高調，所以情況好，但嚴格講仲未算理想。 反觀北歐波近年愈搞愈好，挪超同瑞典超聯賽制度完善，資料夠齊，透明度高，所以畀到人信心。
 波杜基林特四連勝夠勇
肥叔好鍾意玩呢兩個聯賽，瑞典超抖緊，今次推介挪超波杜基林特畀大家。波杜基林特連贏四場，今場作客華拉倫加受讓一球，似乎怪怪，不過，華拉倫加向來係名牌球隊，往往讓得過分，客軍走勢理想，今場下盤有計！ 同晚仲有場挪超介紹畀大家，利恩作客特林素，呢場係五五波，兩隊實力接近，好難分到勝負，估計利恩可保不敗，目前受讓半一非常數，下盤值得一試。另外，同晚英甲附加賽賽事，列斯聯同唐卡士打打崩頭爭升班，講卡士列斯聯一定好過對手，呢類大戰經驗好緊要，呢點佢贏晒，現時讓平半已見信心，上盤捧得過。 | 
