| 德國○六世盃贏盡口碑，難怪成為今屆歐國盃5倍奪標大熱，不過講到決賽周賽事追捧價值，可能都及唔上今晚對白俄羅斯熱身賽，事關德國例牌鍾意頭威，嫌1.48倍「讓球主勝」唔好分話，不妨大膽直取8倍「主其他」。（開賽時間：周二晚11:45） 熱身賽最難估就係戰意同決心，但原來德國人除講究紀律之外，仲幾鍾意頭彩，近三次國際大型賽事前夕，展開集訓後首場熱身賽，唔單止贏晒之餘，三場都以七比○怒炒對手（見附表），可見佢幾鍾意以大勝一振軍心，完全唔會示人以弱，再者領隊勒夫會今戰之後決出最後二十三人大軍名單，相信邊緣國腳亦唔敢怠慢。 白俄陪練鬥心成疑
當然白俄羅斯亦未至於魚腩之流，一般外圍賽都唔會輕易被炒，但呢類聯賽煞科之後先上演熱身賽，對於冇份踢歐國盃，齋陪練而遲放暑假白俄球員講，流攤基本上係在所難免，就好似王牌希比，近排都掛住傾轉會，想佢交番阿仙奴水準？好難囉！ 首場熱身賽例炒
賽事 熱身賽對手 比數 06世界盃 盧森堡 勝7:0 04歐國盃 馬爾他 勝7:0 02世界盃 科威特 勝7:0 | 
