| 雖然今晚以二線聯賽為主，不過當中都有兩場國際賽玩！首先中國主場對約旦熱身賽，將會演變為四川地震災民籌款義賽，預計會吸引唔少同胞入場支持，主隊聲勢浩大，當然要捧場。（開賽時間：周日下午4:00）另外，有主將缺陣土耳其會中立場同烏拉圭拍跳，睇怕呢場波都會係悶戰一場，吼「入球細」！（開賽時間：周一凌晨2:30） 土圭戰博「入球細」
為幫助四川地震災民，中國足協宣布，會將國足江蘇昆山市同約旦踢熱身賽所有收入全數捐出，另外一班國腳到時亦會再捐款！邊做善事邊睇波，肯定會有大批中國球迷入場支持，主場威力自然更強大。陣容方面，外流國腳鄭智、代表曼城香港踢完表演賽孫繼海亦會上陣，要擊敗實力平平約旦難度不大。 至於深夜土耳其對烏拉圭之戰，前者有攻擊主力咸美艾天托普、爾迪雷巴斯杜克同尼赫治都受傷患困擾，搞到上場對斯洛伐克熱身賽，有超過半隊波都係用新秀，今晚難保唔會有同樣情況。烏拉圭方面亦有前鋒科蘭養傷缺陣，雙方各自欠缺攻堅重心下入波唔會多，好大機會係悶戰一場！ | 
