| 挪超今晚上演獨腳戲，史達比克主場出戰阿里辛特；史達比克延續上季銳勢，一開咧就跑出，係今季聯賽唯一不敗之師，而今仗對手係以豆腐渣防線見稱阿里辛特，係一場實力懸殊之戰，相信史達比克有力取得大勝，一於捧「讓球主勝」。（周二凌晨1時開賽） 史達比克上季到聯賽亞軍令人大感意外，但佢並非曇花一現，而且今季愈戰愈勇，至今七場聯賽取得五勝二和，當中包括大炒上季冠軍白蘭恩三蛋，月初亦擊敗傳統勁旅洛辛堡，可見史達比克好有決心力爭坐正一哥之位，等閒之輩遇上佢，肯定冇運行。 講到史達比克，一定要提陣中老將蘭斯干，呢位三十四歲前鋒寶刀未老，已連續四場聯賽有波入，係球隊取得聯賽四連勝最大功臣。另一位射手祖漢安達臣狀態亦弗爆，至今聯賽已有四球進帳。 阿里辛特兩仗吞九蛋
之所以話史達比克今場有力大炒客軍，除本身攻力強勁之外，另一原因係阿里辛特防線非常脆弱，近兩場聯賽竟然合共失九球，而且一球都入唔到，攻不銳時守亦不穩，而且阿里辛特今季四場聯賽作客全敗，試問點同史達比克鬥？ | 
