| 歐國盃決賽周分子法國，今晚會格勒洛布爾主場同厄瓜多爾踢熱身賽。法國級數擺明超班，加上賽後會公布二十三人大軍名單，爭勝決心絕對唔使懷疑；只係考慮到厄瓜多爾換帥後成績突飛猛進，朱楓認為法國今場唔易大勝，「讓球和」有得諗！（開賽時間：周三凌晨3:00） 法國一早徵召三十人大軍備戰歐國盃，佢決賽周前將會舉行三場熱身賽，三個對手清一色係南美球隊，分別係厄瓜多爾、巴拉圭同哥倫比亞，領隊杜明歷解釋同南美球隊交戰會有得益，球員有學肯定打醒十二分精神，戰意唔差得去邊。再講，歐洲足協訂明所有球隊必須二十八號交出二十三人大軍名單，換句話講法國今場賽後將有七人被Out，一班二線球員為搭上尾班車，唔搏等幾時？
 後防兩將受傷添隱憂
 陣容方面，周中各自踢完法總、意大利盃法國國腳已悉數歸隊，隨時候命，其中包括門將哥柏在內里昂八將，更特別坐直升機趕赴大軍基地，睇得出佢好在意今場熱身賽，不過後艾斯古迪同麥薩斯因傷上陣成疑，或多或少會削弱法國防線實力。 厄瓜多爾早前世界盃外圍賽三連敗，怒炒練蘇亞雷斯，由青年軍練維蘇迪暫代，點知佢處子戰就帶隊大炒秘魯五比一，即時坐正，之後再贏海地三比一，領軍能力絕對唔講得笑。雖然今場一班利加大學國腳，因要應付南美自由盃而缺陣，但維蘇迪手頭上仲有韋根中場路爾斯華倫西亞，同曼城前鋒卡些度等五位海外球員飛，朱楓認為佢今場就算輸，頂盡都係僅敗，嫌主勝熱朋友，不妨冷敲「讓球和」！ | 
