一支槍冇子彈，就等於係廢物！新潟天鵝今晚日職主場迎戰鹿島鹿角，擺明係等格，因為天鵝開季前放走射手艾美臣，依家冇人數胡，新加盟前鋒阿歷辛度紐尼斯聯賽未開齋，鹿島夠晒火力燉得起呢煲天鵝肉，客W抵捧！（now633台周三晚6:00直播）
天鵝上季主場有九勝三和五負，但今季演出走晒樣，計埋日聯盃只得一和四負，關鍵係食胡射手艾美臣轉投浦和紅鑽，搞到好似手槍冇子彈咁，冇晒殺傷力，新射手阿歷辛度紐尼斯淨係日聯盃入過兩球，聯賽未開齋靠唔住。 周三6寶推介
鹿角馬昆奴斯弗爆 除此之外，天鵝開季五場狂失十三球，後防根本止唔到瀉，加上中場馬斯奧李察士受傷缺陣，簡直連基本反彈條件都欠奉。另一方面，鹿島為應付亞冠盃，球員未開季已撻晒，王牌射手馬昆奴斯近五場入九球，腳風順到無倫，客勝值得趁熱食！
