| 今晚歐聯八強重頭戲，英超「雙紅」阿仙奴及利物浦，將於阿聯酋航空球場上演首回合賽事，兵工廠主場威力勁，可以先下一城。阿仙奴近兩季主場戰績彪炳，計埋所有比賽共踢五十一場，當中僅輸一仗，今場僅讓平半，值博率極高。紅軍近季鬥國內勁旅冇甜頭，形勢不利。（now 670周四凌晨2時45分直播） 阿仙奴自己地頭惡到無倫，翻查近兩季主場數據，連聯賽、國內外盃賽一共踢五十一場波，取得三十三勝十七和一負佳績；而對其他三支英超勁旅，就取得三勝二和。呢個戰績除表示阿仙奴主場威力超勁之餘，更睇到佢主場鬥英超Big3甚有辦法。另外，近季阿仙奴於主場都恰死利物浦，更添勝算。於投注角度睇，阿仙奴今場僅讓平半，頂多輸半個盤，搵半個盤博全個盤，值博率極高。
6寶半全場推介（姬絲甫提供）
主場剋死利物浦
東方波經是日精選
拿仁追捧利物浦超過十年，四年前對賓尼迪斯加盟好開心，佢將球隊打造成歐聯專家，今場作客受讓，照計可投信心一票。但佢麾下，利物浦有個致命弱點，就係鬥其餘Big3勁旅都冇甜頭，對阿仙奴同曼聯尤甚。紅軍鬥其他國家勁旅係威係勢，連國際米蘭、AC米蘭及巴塞隆拿都唔驚，但鬥番「內敵」就變軟腳蟹。去季四鬥阿仙奴輸三次，三場敗仗都輸得好慘，足總盃夫添輸一比三、聯賽盃出幾個仔更輸三比六。計人腳，紅軍雖不遜對手，但球員心理質素未到頂級，成日有未戰先輸心態，今晚勢處下風。 領隊篇
雲格：乜都冇有怕 雲格（阿仙奴）﹕未來三場對手都係利物浦，雙方近年多次對賽，大家都熟晒彼此波路，無論係我、抑或其他球員，都認為紅軍係支值得敬佩球隊，但我無所畏懼，因為知道自己有力摧毀對手！ 賓帥：點只要入波 賓尼迪斯（利物浦）﹕阿仙奴崇尚進攻，後防因此較為脆弱。我全季所有賽事攻入超過一百球，防守好之餘進攻亦佳，利物浦首回合作客，目標唔係取得作客入球咁簡單，我係要贏波。
| 
