| 今晚歐聯續演兩場八強賽事，英倫打阿仙奴主場迎戰利物浦，阿仙奴剛於聯賽擊敗保頓，能夠於落後兩球兼打少個球員情況下反勝，取得關鍵勝仗，兵工廠士氣、狀態明顯處於高位，但利物浦靈魂人物費蘭度托利斯及謝拉特亦當銳，今仗名副其實五五波。由於係首回合賽事，相信兩隊都會穩陣至上，預計入球唔會多，雖然阿仙奴向以大打進攻足球著稱，但佢歐聯賽事非常重防守，上圈兩對AC米蘭都開細，主場更係打成○比○。其實前季阿仙奴能夠打入歐聯決賽，就係憑住堅固防守，於多場賽事保持不失下闖入決賽，所以今場入球「細」係投注首選。同時兩軍領隊雲格及賓尼迪斯都屬歐洲賽的大師級人馬，看兩人臨場如何調兵遣將亦是賞心樂事。 車仔小敲1:1
另一場八強賽事，初哥費倫巴治迎戰車路士，論整體實力當以車路士稍勝一籌，但費倫巴治上圈淘汰兩屆足協盃冠軍西維爾，韌力同永不言敗精神絕對不能小覷。土耳其球隊主場向有地獄主場稱號，英格蘭球隊造訪此地屢遭滑鐵盧，如果費倫巴治能夠發揮主場威力，車路士要贏波亦非易事。兼且Peter一向認為車仔領隊格蘭冇料到，於歐聯呢類關鍵賽事隨時又會現形，不過車仔班兵始終星光熠熠，杜奧巴近況回勇，波歷克亦持續有好表現，觀乎費倫巴治上圈首回合贏西維爾三比二防守力，車仔絕對有望取得寶貴作客入球，可小敲波膽「1:1」。
| 
