| 歐聯八強抽籤之後，一般都認為車路士抽到好籤，不過佢今晚去到土耳其一都唔易踢，事關費倫巴治今屆歐聯主場戰績彪炳，本土聯賽方面亦冇車路士咁多顧慮，更兼主力悉數可以披甲，絕對有力同車仔周旋，受讓一球梗係捧「讓球主勝」啦！（now671台周四凌晨2:45直播） 邊廂「阿利大戰」勢均力敵，呢邊車仔造訪「八強初哥」費倫巴治亦非常惡啃。冇錯！講人腳、級數同大賽經驗，車仔點計都秤高一線，之不過藍戰士周日英超表現真係不敢恭維，作客米杜士堡如果唔係有三次中楣中柱，車仔唔到三分都成問題。何況林柏特同施治又未必趕得切復出，雖然車仔今屆歐聯賽事未嘗一敗，但作客讓波真係有隱憂。 相反費倫巴治就愈踢愈順，聯賽四連捷不特止，打戰仲殺敗比錫達斯登上榜首，領先次席加拉塔沙雷兩分，冕形勢樂觀。雖然守將哥漢要停賽，不過前車仔射手基士文同卡森李察士等主力都會披甲，戰鬥力毋庸置疑。
歐聯孖膽推介
沙拉干路球場 恰死強隊
呢支土耳其班霸優勢在於主場，由今屆歐聯第三圈開始，費倫巴治踢五場主場賽事贏晒，當中對手包括國際米蘭、燕豪芬同西維爾等勁旅，沙拉干路球場威力真係唔講得笑。況且費倫巴治客場成績比較曳，可預期練薛高會下令球員搏老命務求先下一城，「讓球主勝」捧得過！
| 
