| 連歐聯獨苗史浩克04前晚主場都輸畀巴塞隆拿，睇德甲球隊今屆歐聯緣分已盡，不過層次較低足協盃，佢仍然有權打骰，拜仁慕尼黑同利華古遜今晚於八強首回合分途出師，面對實力唔算強基達菲同辛尼特，憑主場之利有力先拔頭籌，黑柴提供呢條德軍齋W二串一。 德甲班霸拜仁慕尼黑主場迎戰西甲黑馬基達菲，拜仁近期聯賽演出較為反覆，不過既然已經放甩第二位漢堡七分，可以集中精神歐洲賽事爭雄，佢無論級數同經驗都遠勝基達菲，首回合主場出擊，黑柴對拜仁仍然充滿信心。（有線體育台62周五凌晨2時45分直播） 拜仁係歐聯常客，今屆降格足協盃已經好醜怪，球員亦一早講明，希望用呢個練希斯菲特執生涯仲未過獎盃，作為送別功勳主帥禮物，拜仁今仗雖然有咸美艾天托普、雲邦美同沙洛幾位正選因傷病問題缺陣，但係有首席射手東尼停賽期滿復出，加上高路斯、迪米捷利斯同普多斯基都可以克服輕傷候命，球隊陣容仍然完整。除主場之利外，歐戰經驗亦係致勝關鍵，拜仁過去歐洲賽事主場十五次遇上西甲球隊，取得十一勝三和一負佳績，可以話西班牙波剋星。
東方波經是日精選
基達菲經驗輸條街
6寶半全場推介
基達菲經驗輸足一條街，佢過去從未同德國球隊交過手，練米高勞特立亦承認，拜仁係奪標大熱，基達菲入到八強已經完成任務，今仗只重享受比賽。雖然基達菲今季盃賽表現特別出色，西班牙盃殺入決賽，足協盃亦曾經作客擊敗過熱刺同賓菲加，不過經過頻密征戰，近期聯賽兩連敗證明已經搏殘，球隊足協盃首席射手柏保路靴南迪斯受傷，阿根廷左後列捷特停賽，陣容不整下作客更難有偷雞指望。 | 
