| 歐聯歐協盃呢個星期拍住上，阿Dee就搵格拉斯哥流浪對士砵亭呢場歐協盃八強首回合賽事做推介。主隊流浪今年真係係威係勢，除蘇超拋離些路迪之外，亦已經蘇格蘭聯賽盃，證明班波今季打出水準，歐協盃主場出擊絕對有力贏波先取首回合，讓波照捧。（有線64周五凌晨2:45直播） 士砵亭作客蘇格蘭輸晒
講近況，流浪可以話係無得頂，佢聯賽已經做出十三連勝，呢股氣勢真係無人能擋，重要係佢主場表現特別醒神，連埋歐協盃、蘇超同埋本土盃賽，近十五場主場比賽就贏十三場和兩場，加上流浪歐洲賽五次主場對葡萄牙球隊全部贏晒，今鋪第一回合仲唔搞掂你？ 士砵亭情況同流浪相反，班波近五次作客只贏得一場咁大把，其中更有三場係冇波入，歐洲賽事五次作客蘇格蘭亦全部輸晒，睇士砵亭今場波都係等畀人！
| 
