| 一剎那光輝並不代表永！基輔戴拿模曾經九九年殺入歐聯四強，但今屆居然分組賽四場全敗，情況之差就連暫代領隊盧茲尼都忍唔住大彈有半隊波唔夠班，咁搞法士氣仲點會好？加上佢不設防作風，今晚F組主場對羅馬一分都難保，捧客W仲好！（開賽時間：周三凌晨3:45） 托迪養傷入波冇停過
或者今年基輔成績真係太差，連領隊沙保都頂唔順，心臟病發入院。上場歐聯對曼聯由盧茲尼暫代領軍，可惜仍然被炒四球，搞到佢都大鬧有半隊波唔夠Quali打基輔，仲表示會大換血！可能盧茲尼係想用激將法，但經佢金口一開，相信隊波士氣所剩無幾，加上歐聯分組賽四仗全敗兼失十二球唔夠班表現，唔似可以同羅馬搶分。 羅馬方面就算有托迪養傷，卻仍入波停不了，連歐聯在內近五仗入九球，要摧毀基輔應該輕而易舉。加上羅馬仲未穩奪出線機會，今鋪一定會肉緊，唔通等到最後一場分組賽對曼聯先至搏錘咩！ | 
