| 歐聯分組賽已經去到最後階段，其中H組阿仙奴今晚就會作客西維爾。兵工廠已經提早出線，有傳領隊雲格唔會派「夫添」上陣，而且正選球員都要留力英超賽事，作客西維爾都唔會多波入，開「細」機會大！（now671台周三凌晨3:45直播） 雖然阿仙奴曾經歐聯炒過布拉格斯拉維亞七蛋，主場又試過贏西維爾三粒，不過當時兵工廠未肯定出線，當然會認真應戰，但係今時唔同往日，歐聯出線之後，雲格就放風話會出新人，射手賓特拿同中場丹尼臣等小將都有機會上陣，數胡能力肯定大減，再者上輪分組賽對住曾經大炒過布拉格斯拉維亞，都只係○比○悶和收場，今場作客都唔好旨意佢連番數胡。 西維爾近三戰不勝
雖然阿仙奴好大機會半力出擊，不過大家亦唔好望西維爾可以主場大炒贏波，原因係西維爾近況麻麻，對上三場都未贏過，就算戰意搭夠，對住阿仙奴都難多「士哥」，今場都係「細」界波。 | 
