| 意甲榜首球隊國際米蘭，由今季初去到季中都保持良好狀態。但自從歐聯輸畀利物浦之後，成隊波都洩晒氣。前一次對祖雲達斯更被對手打破聯賽主場不敗身。國際米蘭士氣跌至今季新低點。今晚國際米蘭將作客阿特蘭大，後者主場兼受讓，「讓球主勝」捧得過。（有線足球台61周日晚９時直播） 國際米蘭上輪對拉素能夠執番一分真係大話夾好彩，事關拉素大部分時間都住國際米蘭砌，全場仲有成廿四次攻門咁多，完全當國際米蘭冇料到。而今場唔單止有哥度巴及森美爾繼續休養，就連捷禾都受傷缺陣。後場陣容殘缺不整，隨時會畀到機會阿特蘭大入波。 國米殘陣士氣差
尤其是貝迪素呢個阿根廷後，前一場對祖雲達斯就係佢犯錯，令到查斯古特可以近距離抽爆國際米蘭大門。就算練文仙尼換尼爾遜李華士，亦唔覺得會有太大幫助。國際米蘭士氣差又殘陣，有乜資格向阿特蘭大讓波。 阿特蘭大上周作客以二比一擊敗ＡＣ米蘭，單箭頭費路卡利以及邊鋒蘭祖拿都有入球，中前場球員狀態極佳，比起國際米蘭有朝氣得多。今次阿特蘭大返回主場比賽，對球隊取分更有幫助。事關阿特蘭大近七次主場都保持不敗，受讓就更加數。
| 
