多得走肖客串捉鬼一日，力奇可以放日假做乖仔陪屋企人去拜山，修心養性一日，今晚都係時候開工繼續搵銀，心水係薩拉戈薩贏波同多蒙特平手勝。
正所謂一人計短，二人計長，力奇今日左揀右揀，好有信心鬼盤唔多見，問同事章治歷有乜好料，佢就同我推介西甲薩拉戈薩，睇過之後都覺得唔錯，希望真係搵到食啦！事實上，薩拉戈薩依家排緊十七位，都要為護級而戰搶分，唔搏唔掂，近八場波只係贏得一鋪佢，今晚撞兩連勝兼係贏完巴塞隆拿貝迪斯，都敢讓波，睇落真係有多少鬼味。「讓球主勝」睇落狠得滯，簡單玩瓣主勝已經唔錯。
至於德甲波多蒙特對利華古遜，客隊仲有機會爭歐聯入場券，講鬥志同實力應該好過中游浮沉多蒙特，依家莊家做平手盤，捧利華牌面抵玩，實質可能係莊家睇死佢狀態差難翻身，撐主隊好過啦！
