| 肥叔今日將焦點放西班牙波身上，環顧西甲今季護級形勢，比榜首爭標局面更加緊湊，聯賽排第九至十八球隊，積分相差只有七分，聯賽尚餘八輪情況下，有超過一半球隊都有降班危機，而近期護級形勢亦變化好大，經常都係呢隊贏完，就到另一隊報捷；今日肥叔就相當睇好薩拉戈薩，信佢主場對貝迪斯可以執番三分。 薩拉戈薩近年都係聯賽前列分子，但今季成績一落千丈，搞到依家排尾四；呢隊波人腳質素始終唔差，具級數球星不少，加上主場有一定威力，今季聯賽主場只係輸過兩場，相信未來幾仗主場賽事，都係佢搶分好時機，值得留意。 其實薩拉戈薩上仗主場對艾美利亞，已經備受各方睇好，可惜球隊下半場踢少一人，最終同對手打和一比一，不過呢隊波主場殺傷力強，今季主場所有賽事都有「士哥」，睇怕上場反勝巴塞隆拿貝迪斯，作客隨時又打回原形。 畢爾包亦未上岸，主場對下半季演出全面下滑愛斯賓奴，亦係搶分大好時機，需兼顧。
肥叔心水
利華古遜平手盤抵捧
德甲多蒙特主場對利華古遜，亦係肥叔另一場心水，利華古遜足協盃八強首回合落後辛尼特一比四，晉級機會已相當渺茫，留力搏聯賽好過，因為佢現時排第四，只落後第三位史浩克一分，下季隨時有歐聯玩。而對手多蒙特已打入德國盃決賽，足協盃入場券就快得手，心態上唔及利華古遜咁搏，呢場平手盤一於捧利華古遜。
| 
