今季西甲完成超過三分之二，其中最予人驚喜球隊，莫過於艾美利亞。可惜呢班波一去到作客環境下，就會即刻走晒樣，對住勁旅更不時半場輸波。今晚聯賽佢造訪有翼鋒沙保沙復出馬德里體育會，恐怕都係半場投降格，馬體會半勝可捧！
艾美利亞今季聯賽作客只有三勝五和六負，表現同一支弱旅無分別，尤其造訪強隊巴塞、維拉利爾同皇馬都係上半場已失守，可見佢後防經唔起對手星級鋒線考驗。撞今鋪面對有前鋒阿古路同科蘭壓陣，兼且連沙保沙亦傷愈復出馬體會，相信都唔會有奇出現，分分鐘半場已經投降！
仲有喎，馬體會有後防大將施達尼迪斯上仗久休復出，另一守將佩尼亞亦有望傷愈趕及今晚披甲，令防線更加完整，主隊要開２倍半勝機會自然大啦！
