| 臨近季尾發生高層大地震，球員想集中精神比賽都難，拜仁慕尼黑今晚德甲主場迎戰波琴，要追「讓球主勝」，因為波琴唔止有體育總監古迪斯喊走，就連練馬些高拿都諗住跟埋執包袱，呢鋪輸兩三球都唔出奇。（有線62及64、中央5台周日晚11:00直播） 對賽贏波坐底兩粒
雖然拜仁慕尼黑有中場咸美艾天托普加入十字軍，但佢近六次主場對住波琴取得五勝一和佳績，當中有四次更坐底贏兩球，睇怕係時候威番鋪。 值得一提係，上周中歐協盃普多斯基代替高路斯打正選，無論呢場佢邊個擔正，照理由都會搏盡爭取入波，避免再坐番冷板。 波琴今季大部分時間位於聯賽榜中游，近六場又有兩勝四和，原本係冷盤佳品，可惜體育總監古迪斯打算過檔凱沙羅頓做會長，上星期已提出請辭，跟住練馬些高拿都話想走，消息指波琴打算邀請前練紐奴亞回巢執，但遠水不能救近火，再加上隊長薛迪比坐波監，問題太多要唔過。
| 
