| 一隊聯賽三連敗，身陷降班漩渦；另一隊就連續七仗保持不敗，正為升班附加賽席位而努力，班士利同卡迪夫城近況各走極端，今晚雙方中立場溫布萊合演足總盃四強大戰，態沉班士利已經將護級任務置諸度外，呢份決心加上食住淘汰車路士同利物浦勢頭，卡迪夫城想做攔路虎冇咁易，班士利受讓平半必撐「下盤」！（now670及672台、廣東體育周日晚11:00直播） 如果第五圈贏「紅軍」係符碌，咁八強再一次發威，將「車仔」淘汰出局就足證班士利踢盃賽有一手。會方早前排除萬難從西布朗續借史迪利，加上奧迪查耶、白賴仁侯活同夏斯素等晉級功臣都會披甲上陣，要食住個勢再晉一級唔難。 卡迪夫城靠老兵讓唔起
呢隊「盃賽奇兵」聯賽客勝率唔夠一成，最近錄得三連敗後更被捲入降班漩渦，但領隊戴維同球隊上下早就將護級任務放埋一邊，懶理聯賽戰績衰到貼地，班士利擺明車馬係為足總盃而！ 相比起班士利，卡迪夫城條晉級之路就冇咁崎嶇，八強對米杜士堡已經係最硬仗，咪唔記得米堡由二月底到依家都係陷於低潮，卡迪夫城殺到入四強唔應該秤得太高。除長期傷兵科拿之外，翼鋒派利同射手史堤芬湯臣都有傷在身，另一鋒將費尼亦唔合乎上陣資格，攻擊上靠晒傷愈冇耐列特利、老將哈索賓基及杜利華冼佳亞，要撕破班士利防線唔容易，仲要讓波更加信唔過。
| 
