Mic少上個月未能成功冕蠱波擂台陣，心情的確有不爽，不過好彩另一「戰場」股市有番斬獲，即時開懷番。事實上，近期股市氣氛好番唔少，真係希望由美國次按問題引發金融信貸危機可以快完結，令各位「坐艇」人士早日上岸。
FC多倫多正牌魚腩 信貸危機令美國好多大行勁撇帳，令呢著名金融機構損失慘重，呢股惡運好似吹到去美職，三支名牌首輪聯賽都慘敗收場，侯斯頓戴拿模、華盛頓聯隊同洛杉磯銀河齊捧蛋。
不過有實力球隊唔會被一時挫折打沉，洛杉磯銀河尋日返主場就反彈贏波。聽朝華盛頓聯隊主場迎戰FC多倫多，客軍上季常規賽包尾，係名副其實魚腩球隊，今仗勢必畀華盛頓聯隊祭旗，主勝係不二之選。
