| 日周中歐洲賽，散戶投注相當擁躍，反而大戶冇乜出手，去到八強階段，各隊勢均力敵，乜賽果都開到，所以大戶寧願忍手，但普羅大眾以娛樂為大前提，睇波乘機考自己眼光，所以呢類大賽特別吸引散戶落注。 講番今晚心水係英超紐卡素，自從由領隊奇雲基瑾執後，都衰一段好長時間，難得最近取得兩連勝，球隊士氣如虹，今仗對住不擅作客雷丁，正係三連勝良機。雖然紐卡素基本上冇乜護級壓力，但早前戰績咁差，基瑾都要向主場球迷交代，而睇番隊波表現，自從馬田斯同維度卡復出後，係有明顯改善，對住作客成績差勁、落敗率高達七成三雷丁，紐卡素冇任何藉口失分，今場賠率同飛數都對辦，上盤值得捧場。
肥叔心水
史特加全面「漢」好
至於兩支出戰歐聯球隊，羅馬同車路士今晚亦有隱憂，由於兩隊歐聯形勢告急，加上又踢完場硬仗，身心點都有影響，尤其係車仔自從換格蘭執後，隊波踢來患得患失，對住「巨人殺手」曼城，作客讓半一真係多，今仗好大機會爆冷。 德甲史特加亦係肥叔另一心水推介，呢支冕冠軍今季要分心踢歐聯，搞到聯賽成績亦受到影響，但下半季已睇得出隊波上晒力，近七場聯賽取得五勝二和佳績，今仗對漢堡主場讓平半，肥叔睇好上盤。
| 
