| 周中歐聯八強賽事，意甲羅馬主場以○比二不敵曼聯。度士對此賽果不感驚訝，因為曼聯近期實在「弗」到你唔信，羅馬擋唔住「紅魔鬼」都唔怪得佢。今晚羅馬主場對熱拿亞，相信羅馬會速戰速決，希望短時間內穩定局勢，繼而保留體力準備下周中歐聯作客曼聯次回合大戰，羅馬1.95倍「半場勝」係度士心水推介。（now 633周日凌晨零時直播） 羅馬下周中要再戰曼聯，練史巴列堤當然唔想球員今晚搏得太盡。估計今場羅馬會集中火力上半場，希望可以短時間內解決熱拿亞，然後拖慢節奏盡量保留體力，到次回合再同曼聯鍊鑊勁。其實今季羅馬意甲主場賽事中，開出「半場勝」比率高達七成三，今場用番相同策略可謂有「績」可尋。 柏路達復出頂托迪
度士明白唔少球迷都擔心，羅馬缺少隊長托迪之後，會對球隊攻力構成影響。但今次有萬能中場柏路達復出，應可將影響程度減到最低。 熱拿亞今季意甲作客賽事多數開「半場輸」，比率超過五成。如果羅馬上半場就採取強攻的話，應可順利撕破熱拿亞防線，「半場主勝」諗得過。
| 
