| 近期好多人關注英超護級形勢，其實西甲邊更激烈，除利雲特同梅西亞係降班大熱外，第三支降班球隊誰屬，真係隨時未打到最後一輪都未知，因為由第十三位貝迪斯去到尾三維爾瓦只係差三分，今晚拉科魯尼亞主場對梅西亞，肥叔對拉科好有信心。 梅西亞客場腳軟
梅西亞上仗大勝愛斯賓奴四比○，表現上好似復甦，但呢隊波有幾多料，有睇開西甲朋友相信都一清二楚，梅西亞主場尚有力一搏，不過作客就唔使預佢，今季作客僅贏過一場，近十二場作客都未贏過，上場入到四粒，有兩球都係靠射十二碼，今場作客隨時又打回原形。 反觀肥叔幾睇好拉科呢隊波，幾個後生仔愈踢愈有球味，而且主場仲相當搏命，近期主場出戰，連皇馬、西維爾同愛斯賓奴呢幾支前列球隊都畀佢砌低，可見拉科主場真係唔可以睇小，今場讓半球，上盤係入貨好價位。至於另一場西甲賽事，愛斯賓奴主場對桑坦德，愛斯賓奴讓平半，上盤可以捧場。 肥叔心水
車路士（細） ★卡坦尼亞（上盤） 紐卡素（下盤） 愛華頓（下盤） 愛斯賓奴（上盤） 科特布斯（上盤） ★拉科魯尼亞（上盤） ★為重心場次 | 
