| 華倫西亞順利打入西班牙盃決賽後，上星期聯賽再顯真功夫，作客巴拿貝球場以三比二擊敗皇家馬德里全取三分，士氣高昂！今晚回師主場對馬略卡，對賽往績亦係華倫西亞壓倒性佔優，一於跟紅頂白，追多次華倫贏波！（有線61周日晚11:00直播） 馬略卡首循環吞兩蛋
講番上星期華倫作客贏皇馬場，門將希迪布蘭真係功不可沒，尤其去到比賽後段、比數僵持二比二段時間，如果唔係佢屢救險球，恐怕華倫都唔可以末段反勝。上半季，華倫大部分時間都內部不穩，到下半季就將焦點放落西班牙盃度，到依家可以話係執住一邊西班牙盃盃耳喇。加上上場戲劇性咁擊敗皇馬，士氣再闖高峰，相信接住落佢聯賽表現都會持續好轉。 對家馬略卡近排狀態都唔錯，近十場波只係輸過一場咁大把，不過睇真，其實佢作客係全部都贏唔出！唯一輸波場，對愛斯賓奴都係作客，證明佢始終都係主場演出可靠。 再翻查對賽往績，原來馬略卡近九次作客華倫，竟然係一和八負，明顯畀對手食到應一應；加上馬略卡今季首循環主場對住當時仲未復甦華倫都要淨吞兩蛋，今鋪作客憑咩報仇先？今晚西甲重心場次—華倫西亞靠晒你喇！ 頂『占』筍盤
‧華倫西亞：主勝 | 
