| 雲雲工作Office入面，男女同事比例基本上係七三之比，男拍檔中粗魯猥瑣有，口花花鍾意撩人亦有，不過雲雲最憎要算係種優柔寡斷、唔知自己想點男人。 退休與否舉棋不定
小事猶豫尚且無傷大雅，對退休大事都舉棋不定，就似乎非大丈夫所為。好似年屆四十二歲、力巴甲華斯高羅馬里奧咁，前幾日先宣布因為體能同狀態難以恢復，決定今周正式掛靴，轉任電視台評述同協助推廣二○一四年巴西世界盃。點知話口未完，呢位森巴球星又向外界表示自己想踢多幾場，暗示未想退休住。 雲雲有時Shopping都會三心兩意，花多眼亂買支唇膏難免左揀右揀，但一代球王羅馬里奧考慮退役前唔係應該諗清諗楚先作出決定？反口覆舌、得個「講」字只會令人反感，男人應該當機立斷，估唔到巴西歷來最偉大球星之一羅馬里奧，會如同話嫁唔嫁小女人。
Karen（雲雲） 職業：OL 嗜好：乜都 | 
