| 今晚兩場歐聯八強首回合賽事，Peter認為優勝劣敗機會較高，不過，站在投注角度去睇，不妨捧晒兩場和波。本來Peter認為巴塞隆拿可以兩回合贏晒，但球隊近況唔算突出，作客史浩克要讓波唔抵玩。 睇番目前巴塞情況，阿根廷球星美斯因傷要長抖，朗拿甸奴無可否認愈踢愈沉，呢位巴西球星場外紀律欠佳，經常流連夜店，所以頭列卡特棄用佢絕對合理。在「細哨」缺陣情況下，亨利可以取代其位置，球隊攻力唔使懷疑，唯一問題係要作客讓平半。史浩克德國年輕門將紐亞上輪鬥波圖次回合神乎其技作出連番撲救，今仗或有機會協助球隊保持不敗。 歐聯二串一和波
至於同晚另一場大戰，Peter對曼聯較具信心。「紅魔鬼」今季贏取英超冠軍機會高唱入雲，Peter認為佢同樣有能力贏埋歐聯。C朗狀態托弗，睇怕就快攻入本季第四十球，朗尼搵番射門鞋，泰維斯亦抖夠，加上仲有三個防守中場卡域克、夏格維斯同路爾斯安達臣調配，如果主帥費格遜唔用老將史高斯，中場活力肯定更加好，實力必然在羅馬之上。 羅馬隊長托迪今場因傷缺陣，不過，一場半場影響唔算太大，佢要長期養傷先至大件事。Peter認為今場曼聯有坐和望贏之力，目前盤口係平手盤，可以秤先「紅魔鬼」。因應投注策略，今場可以補和波，炮製一條歐聯和波二串一過關，分頭有近十倍，值得一試。 | 
