MotoGP周日展開第二站角逐，因今次西班牙夏利斯舉行，對於兩位地頭蟲柏度沙及羅倫素非常有利。而力躍馬車隊羅倫素試車時已經造出最快時間，相信佢好有機會連續第二站企仔。當然意大利人羅斯都係焦點之一，呢個二轆車神已經連續五站唔到冠軍，點都要向車隊同埋車迷交代。至於冕冠軍史東拿，前後逼力仍未set好，試車時仲曾經跌低。佢話前轆有多少唔穩定，搞到佢出彎時唔多舒服喎！
波里路狀態一流 睇完賽車之後，足球比賽緊接上演，玩意甲熱拿亞主場對里賈納，巨高心水係「主勝」。熱拿亞係一支好肯進攻球隊，加上前鋒波里路今季長期見勇，呢場波有晒足夠條件打敗弱隊里賈納。
