| 今晚體育台同球彩台直播漢諾威主場對史特加，雖然漢諾威受讓兼較低水，但係都冇咁易取悅到小妹！上輪德甲出現五場和局，好似利下盤多，不過小妹唔信邪，話晒今個月係我生日，多少都有旺氣，高水都照要讓平半史特加上盤。（有線體育台62周日晚11時直播） 主隊漢諾威歇冬後只取得一勝四和三負，成績認真麻麻，加上位處中游，降班未有耐，使咩咁操勞呢？再講主力射手漢基上場作客杜伊斯堡，早開賽五分鐘向對方球員動粗，隨即紅牌被逐，結果被罰停賽兩場。唔齊章漢諾威今場雖有主場之利，不過都係難飛出史特加五指山！ 矛頭直指歐洲賽資格
史特加往績上食住漢諾威唔在講，球隊近六場聯賽更取得五勝一和，佢德國盃被飛出局後，好自然就想聯賽搏番張下季歐洲賽入場券。史特加現時積分已經直逼前五，佢目標好簡單，要拉埋利華古遜、雲達不來梅同史浩克04等幾隊積分相若球隊落水。話晒史特加係上季德甲一哥，今季點可以咁失威呀！ OL推介：
漢諾威 Vs 史特加 （讓球盤：上盤） | 
