今季祖雲達斯，意甲主場出擊往往半場無乜入波，視覺上講當然麻麻，但玩起半場投注就起碼有個大方向畀各位思考！今晚佢聯賽迎戰換新練古柏後，連打法都保守帕爾馬，話唔定換邊前無交收，半和點可以錯過？
其實睇番祖記今季聯賽主場十五仗，足足有八次係半場同對手打成○比○，就知道佢唔會因為有地利亂咁同人駁火。就算對住里賈納、卡利亞里同安玻里等護級分子，都依然係半場窿對窿，所以今晚即使對弱旅帕爾馬都未必搶韁。
再講，自從古柏接手帕爾馬後，近三仗半場都只係失過一粒咁多，同以往動輒落後情況好唔同，可見佢都係對症下藥搞好後防先，既然兩面都唔想半場失波，半和好合理。
