| 話咁快北歐波又返，今日瑞典超加挪超夾埋有五場，當中關爺好多都有心水，最鍾意係哥登堡平手盤。佢於開咧戰作客馬模，主隊近季今非昔比，兼且新練新埋班難靠，反而哥登堡成晒形，剛擊敗卡爾馬奪瑞典超級盃，士氣、實力、狀態都優於對手，作客驚都未驚過。（周二凌晨1時45分開賽）
 馬模同哥登堡係瑞典國內極受歡迎球隊，並有相當輝煌歷史，但馬模威威已經係以前事，近年都冇乜代表作，去季就僅以第九名過終點，同佢名氣不相符。事實上，馬模已經得番個名，本季未有大事擴軍，而前加爾斯練朗奴尼爾遜執冇耐，球隊仍在蛻變階段，近五場熱身賽贏得一場，實難寄厚望。 去季哥登堡奪得聯賽冠軍，實力有保證，而且球隊季前狀態唔錯，打敗勁旅卡爾馬捧瑞超盃，得今季頭彩，個勢咁好當然唔畀佢停，作客平手盤立不敗之地。 洛辛堡塞圖巴爾有計
另外兩場推介，就係挪超洛辛堡同葡超塞圖巴爾。洛辛堡主場鬥利恩，近年洛隊剋死對手，近六次主場出戰贏利恩五次，其中四場仲贏兩球或以上，今仗可直取「讓球主勝」。葡超塞圖巴爾主場對博維斯塔，前者剛打敗士砵亭捧葡聯盃，士氣大振值得跟進，主場穩執三分。
| 
