近兩年熱刺一路都畀紐卡素蝦，今晚英超主場係時候大報復！因為「喜鵲」自基瑾執後，成條防線散修修，點抵擋熱刺貝碧托夫同羅比堅尼兩大箭頭？相信熱刺換邊前領先無問題，半勝可以捧場！（now631台周日晚10:00直播）
喜鵲後防勁失波 的確近兩年雙方交手四次，紐卡素都全部贏晒，但今時唔同往日，熱刺有機會復仇成功，原因係基瑾帶領紐卡素後，防線失波愈來愈嚴重，由首戰對保頓開始，至今十場波有八場失守，就算當中對保頓及富咸都保住不失，亦只係對手火力屬英超最弱批！今鋪對住總共為熱刺射入二十七個英超入球貝碧托夫同羅比堅尼，未必頂得住上半場。
最慘係基瑾帶隊下，紐卡素只試過兩次上半場入波，換言之，一旦佢落後亦無能力反撲，咁情況玩熱刺半勝就最好不過！
