黑柴跟德甲已經有七、八個球季，呢個聯賽最大問題係得拜仁獨大，多年來出現唔少有朝氣球隊挑戰佢，但年前利華古遜因為踢得太出色，換來波歷克同薛羅拔圖畀拜仁挖角，搞到一沉就幾年。
哈化柏林忽龍忽蟲 近兩季輪到雲達不來梅，上季已經畀拜仁搶高路斯，家陣又想搶佢梅迪薩卡，不過不來梅並冇沉淪，仲掉番轉頭搵拜仁棄將，除喉住普多斯基之外，亦準備搵比沙路過檔。黑柴支持不來梅係因為佢永遠進攻精神，以及唔會因為受挫折而屈服態度。
德甲咁多隊波，黑柴最唔鍾意哈化柏林，成日揀波踢，忽龍忽蟲，尤其對弱旅周時都冇貨交，今晚作客面對志切護級科特布斯，寧吼主隊。
