隨住法國定出二十三人歐國盃名單，今晚圖盧茲對住巴拉圭熱身賽可望派出韋拉等主力落場，問題係佢大部分已經三字頭，呢個老人陣活力難免差，對住有辛達告魯斯歸隊巴拉圭贏面唔大，冷冷敲「讓球客勝」仲好！（now632台及廣東體育周日凌晨3:00直播）
主力球員年紀大
其實法國上場輕取厄瓜多爾兩球，多少都因為要落實二十三人歐國盃名單，所以要起用年輕副選測試實力有關。但依家名單已定，今場波或者會保守，派出之前無落場主力例如亨利、韋拉同馬基列尼，但佢大部分都三張，成隊活力唔及之前咁高，未必可以好似上場贏得咁爽。再者，巴拉圭今場陣容同早前踢麒麟盃期間相差甚遠，僅僅留用當時八位成員，另外徵召辛達告魯斯等歐洲搵食球員歸隊，實力大增之下要頂住唔輸一都唔出奇！
