| 歐洲主要聯賽收咧，日本波成為市場焦點之一，日聯盃分組賽去到尾二輪，One Sir睇中C組一哥千葉市原，呢隊波季初直插谷底，換帥之後，已全面反彈，現時仍被市場忽視，未來上升空間甚大，今場作客柏雷素爾受讓，1.85倍「讓球客勝」值博。（周六下午3時開賽）
季前市原有大量主力離隊，早已被視為降班熱門，球隊季初的確演出差劣，會方決定換帥扭轉頹勢，希望改善成績。市原早前宣布辭退頭古斯，改任前利物浦練團成員米勒，開始由谷底反彈，已經連續三場賽事贏波，估計短期內仍有上升空間，今場受讓之下，「讓球客勝」值得一試。
同日仲有其他日聯盃賽事，名牌球隊橫濱水手作客大分三神係D組榜首大戰，目前馬會開出平手盤，水手今季作客成績差劣，更曾於客場不敵三神，今次仍然冇得受讓，明顯受名牌效應影響。另外，佢今仗缺少中澤佑二同山瀨功治等主力，實力進一步受削，情況並不樂觀，平手盤三神坐走望贏，非常值博。 鯨魚回勇有心有力 另外，A組名古屋鯨魚近期全面回勇，今次作客京都不死鳥，如果贏波就可順利出線，所以唔使擔心大軍戰意。鯨魚整體實力在對手之上，只要發揮正常，料可全取三分，平手盤可秤先。 | 
