| 今日有唔少熱身賽玩，肥叔玩呢類賽事多數揀番下盤，大家戰意唔係咁鮮明，讓波好蝕底。早兩日荷蘭對丹麥，名牌荷蘭要讓波，大戶狂插下盤得手，收穫甚豐。不過，大戶亦偶有中招時候，德國對住白俄羅斯，佢分段買上盤，最後場波打和，損失非常慘重。 讓得起匈牙利 歐國盃就開波，上屆爆出隊希臘，今屆肥叔鍾意克羅地亞，傳統勁旅法國、意大利同德國各有問題，佢突圍一都唔奇。克羅地亞分組賽首戰對主辦國奧地利，目前克軍讓緊半球，肥叔已經提早買定上盤，當正佢係銀行隊，如果要揀隊冷門捧歐國盃，克羅地亞係不二之選。
今晚克羅地亞對弱旅匈牙利，兩隊波唔同級數，客軍小讓平半，上盤諗得過。克羅地亞外圍賽主、客場贏英格蘭，實力深不見底，大軍年輕有朝氣，歐洲賽事打足成季，所以打歐國盃體力係非常緊要，今次球隊同匈牙利拍跳，估計會收起部分主力，但係都夠贏，上盤絕對捧得過。
此外，葡萄牙對格魯吉亞，擺明試鋒力，大軍同樣非常年輕。不過，今場略嫌葡萄牙讓得太多，上盤有多少隱憂，建議大家捧番大盤。 | 
