抖一輪終於現身踢熱身賽西班牙,今晚主場迎戰來自南美球隊秘魯,「鬥牛勇士」叉足電之餘,球員體力同士氣俱佳,以佢今年於熱身賽先後擊敗法國同意大利超卓表現睇,今仗有力大勝遠道而來秘魯。(周日凌晨4時開賽)西班牙領隊阿拉干利斯早前下令一眾國腳休息,唔好私自做太大運動量訓練,目的就係希望佢踢完漫長球季後,可以抖一抖恢復體力,而且球隊今晚先至踢首場熱身賽,養精蓄銳之下,加上有今季狀態弗爆費蘭度托利斯壓陣,西班牙主W值得信賴。