保頓前鋒奇雲戴維斯為幫球隊護級，堅決今晚負傷上陣，淨係呢份勇氣都值得捧佢做「特首」啦！
奇雲戴維斯係典型英格蘭前鋒，打甩門牙帶血吞，早排對韋斯咸，保頓就全靠佢一箭定江山贏波，可惜佢比賽中斷手，本來宣布提早收咧，不過佢為幫球隊護級，堅決打石膏捱到季尾，爭勝決心一流，有晒做「特首」條件；若要求冷，保頓「後上殺手」路蘭值得一博。
同晚英超仲有兩場開首球，先講阿士東維拉對韋根，維拉前鋒卡維近三場勁入四球，值得熱捧；至於曼聯對韋斯咸，C朗連續四場冇波入退晒熱，係時候威番鋪！
