羅賓外遊，由贏家「第十二人」樂比仔代筆。近期荷蘭附加賽搞到好多球迷一頭煙，因為賽制極其複雜，只有逐場解釋，球迷先較易掌握，今晚獨腳戲NAC主場對川迪係次回合賽事，首回合川迪領先三比○，NAC要發力狂追，肯定大手交易，捧大盤。
附加賽唔公平 兩隊總比數勝出一隊，可繼續爭歐聯資格，落敗則爭足協盃入場券，賽事計算作客入球優惠。樂比仔上季去過荷蘭，曾請球圈中人意見，阿爾克馬爾練尹戈爾話在商言商，踢多幾場有助球會收益，但樂比仔認為，聯賽精髓係考驗球隊耐力，踢成季比賽，仲要靠附加賽定生死，抹殺球隊成季努力，似乎唔多公平喎！（now 826周日凌晨1時30分直播）
