Mic少上月憑一條近七倍三串一，後來居上榮登四月蠱波擂台陣盟主寶座，同時阻止巨高提早成為今季總冠軍，令擂台爭標形勢保持緊湊，就如德甲老二之爭，不來梅上仗和波，被史浩克04追到同分，但後者因得失球差唔及對方而暫居第三，史浩克為奪下季歐聯直接參賽資格，餘下賽事必求大勝，今晚主場迎戰漢諾威，Mic少睇好史浩克可以淨勝兩球，捧「讓球主勝」。（有線足球台61周六晚9時30分直播）
同不來梅爭第二 根據德甲賽制，兩隊同分就以得失球差區分排名，史浩克依家得失球差比不來梅少四球，由於餘下場數已唔多，史浩克同不來梅隨時同分過終點，要計得失球差先知亞軍誰屬。因為季軍需要踢歐聯外圍賽，老二位置價值連城，以史浩克近兩仗共入六球火力，淨勝漢諾威兩球唔難。
