| 歐聯決賽戲碼強勁，曼聯同車路士各有捧場客，今次全英決賽非常矚目，投注額肯定好犀利。事實上，英格蘭賽事組織完善，加上球星眾多，講水平一定係歐洲No.1，緊莫斯科決賽市場氣氛實會非常熱鬧。以目前情況睇，如果今場開平手盤，肥叔肯定投曼聯一票。
 保頓搏命唔怕黑貓
今周肥叔揀波繼續以戰意行先，法甲球隊南錫爭緊歐聯席位，今周主場迎戰斯特拉斯堡，讓到一球照捧上盤。南錫今季繼續保持主場王本色，聯賽主場一場都未輸過，表現仲穩定過「一哥」里昂，依家佢仲有機會爭歐聯席位，對住弱旅斯特拉斯堡贏波機會極高，讓到一球夠晒辣，照捧上盤。 英超下游分子雷丁今場主場迎戰風流球隊熱刺，有望全取三分救命。雷丁目前形勢好危，老實講，呢班波實力只係有限公司，好彩今場對住冇晒鬥志熱刺，應可順利贏波，平手盤捧雷丁。另外，保頓同樣要搏命，今周主場面對護級成功「黑貓」新特蘭，讓到半一就知發生乜事，呢場捧番上盤。 此外，仲有場消息波介紹畀大家，洛杉磯銀河今周造訪皇家鹽湖城，大戶晨早已經落注捧銀河，佢除擁有英格蘭巨星碧咸，仲有美國當家球星當路雲，實力好強，呢場可以再捧。 | 
