曼聯殺入歐聯莫斯科最後決戰，賽後沙維指「紅魔鬼」唔配入決賽，論組織同波底，巴塞無疑勝一籌，但好波不等於贏波，曼聯將士紀律一流，專心防守，能令巴塞一百八十分鐘食白果，塵世間實在冇幾多隊。
勝利船射手火 賽後榮歸史高斯，首回合扮加度素，次回合一錘定音，九九年三冠遺臣功架猶在。論功行賞，不能數漏布朗，尼曼查維迪缺陣下臨危受命，全場殺波無數，踢出代表作。「紅魔鬼」有質有態，今晚乘勢主場撲擊韋斯咸，三分穩袋！
今日下晝「日本紅魔鬼」浦和紅鑽作客神戶勝利船，紅鑽兩連勝入八粒，但對手只屬不死鳥及岡薩多等次級對手。勝利船射手大久保嘉人近兩場入三粒弗爆，今場捧大更佳！
（now 633周六晚6時直播）
