| 英超爭標形勢極為緊湊，護級組亦都七國咁亂，去到尾二一周，都仲有六支球隊有降班威脅，當中排尾六米杜士堡，近期頻頻遇上護級球隊，連番失分都可以理解，今晚遇分心足總盃樸茨茅夫，米堡有望贏番一場提早上岸。（now634台周六晚10:00直播） 米堡近期都算有求必應，連續兩周派分畀新特蘭同保頓兩隊護級球隊，搞到自己都捲入降班漩渦，不過支持者亦唔需要擔心，事關佢最後兩輪都主場出戰，只要贏出其中一仗，就能夠成功護級，而今戰將會係搶分良機，事關對手樸茨茅夫近期為備戰足總盃決賽，聯賽已經明顯放軟手腳，近期門將占士受傷，為免再添十字軍，相信只會更加拘謹，米堡可以趁機盡快上岸。
 波圖 「主勝」唔留手
唔少人季尾都鍾意捧戰意鮮明球隊，但其實出師無名，仍然可以有優異演出，講緊就係葡超波圖，佢四月初提早封王之後，仍然未見留手，上仗更擊敗爭分踢歐聯甘馬雷斯，將連勝紀錄增加至九場，單計主場更已經十四連捷，今仗面對近七戰輸六場國民隊，又係大炒之時，「讓球主勝」要跟。（開賽時間：周日凌晨2:30） 侯斯頓 開齋好時機
美職開咧一個月之後，勢估唔到上季總冠軍侯斯頓戴拿模竟然仲未開齋，不過依家衰到排包尾，都要多得美職騎呢賽制所致，計埋之前中北美洲冠軍盃，侯斯頓已經連踢四場作客，事隔近一個月之後首次重返主場，面對三連敗兼勁失十一球美國芝華士，絕對係開齋黃金機會。（開賽時間：周日早上8:30） | 
