| 到口肥肉，邊使急住吞？法甲餘下三輪賽事，里昂七連霸係遲早問題，反而佢三日後要法國足總盃四強對色當，重要性更大，因為里昂已三十五年未拎過法總盃，四強絕對不容有失！尼斯今晚法甲主場迎戰里昂，有權偷雞開「讓球主勝」。（now826台及無收費電視26台周六晚11:10直播） 尼斯對賽輸唔晒
目前里昂榜首有四分領先優勢，假如佢打沉尼斯，第二位歐塞爾主場對華倫西恩斯敗陣，里昂就可以提早開香檳慶祝，表面睇鬥心無限，但諗深一層，既然佢聯賽冠軍在望，又使咩同捧場客搏命？唔好忘記，三日後里昂要踢法總盃四強，唔通有兩個冠軍唔要，捧住個聯賽冠軍就夠數？ 其實里昂自一九七三年起已冇過法總盃錦標，我唔相信，佢會輕視四強對手色當，何況里昂近五場得兩勝兩和一負，中場杜拿蘭、左閘格羅素又分別要養傷、停賽，與其作客立亂同尼斯駁火，不如留番下周返主場至聯賽冠軍都唔遲！對家尼斯近六次對里昂有四和兩負輸唔晒，唔似會扯白旗投降。 | 
