富明尼斯主場5戰贏晒
首回合富明尼斯作客逼和小保加二比二，聽朝就算和○比○或一比一都入決賽，小保加則要焗攻求勝，更大鑊係首回合梅開二度中場發電機列基美近日發燒兼嘔吐，加埋佢正選門將卡蘭達繼續缺陣，要起用上仗甩手累球隊被逼和副選門將米利奧里，後防更唔穩陣。此外，富明尼斯由分組賽到八強，五場主場全勝，共入十三球只失一球，小保加連列基美都唔可以十足狀態應戰，仲點攻破主隊大門？
