| 瑞典盃係爆冷溫床，但挪威盃則係強隊天下，因為挪超球隊非常重視呢項盃賽，經常精銳盡出，馬會開盤可以話係球迷喜訊；因為挪威低組別球隊同頂級聯賽水準非常懸殊，上圈十四支挪超球隊，即使係作客亦全數晉級，每隊平均入五球，似乎捧強隊係一個唔錯選擇。 雖然今輪係第二圈，不過今晚波杜基林特同特林素對手，都係來自第三級別乙組，由於挪乙仲要分為四組，故水準極為參差，好似今日出場莫奧同史卡普，只係低水平聯賽之中下游球隊，好明顯係超級魚腩，一場大屠殺在所難免。 史卡普識做望回報 兩場挪威盃之中，關爺最有信心係特林素，因為佢今仗作客史卡普，其實係同市打，兩隊關係非常密切，肯定有偈傾。關爺仲收到個小道消息，由於史卡普依家聯賽告急，七場聯賽輸六場排尾三，而下場聯賽又咁會對同樣係乙組特林素Ｂ隊，反正挪威盃都唔係特林素皮，希望今場識做之後，周日對特林素Ｂ隊期望對方高抬貴手咁喎！
關爺一向唔多信呢類陰謀論，但作為名家呢風點都要收，如果唔係投注思維就太過單向。以波論波，特林素同波杜基林特都高過對手幾班，「讓球客勝」確實抵玩，加埋挪超華拉倫加細盤，不妨買番條挪威三串一玩。 | 
